ARUBA HYPNOSIS
Frequently Asked Questions
KICO TA HYPNOSIS?
Hypnosis ta un estado completamente natural di concentracion cu ta permiti e parti critico di nos mente (esun cu ta compara informacion nobo cu esun bieu) di ta mas habri pa acepta sugerencianan selectivo.
CON HYPNOSIS TA TRAHA?
Nos mente ta traha na dos nivel – e nivel consciente y esun subconsciente. Nos ta tuma decision, pensa, y actua cu nos mente consciente. E mente subconsciente ta controla nos custumbernan (nos habitonan.) Den un estado relaha conoci como hypnosis, nos por comunica directamente cu e mente subconsciente. Ta pa e motibo ey e ta asina lihe y facil pa cambia habitonan cu bo ta tin henter bo bida cu hypnosis. Abo ta e unico cu por dicidi esaki.
BERDAD BO POR HYPNOTISA MI?
Tur hypnosis ta self-hypnosis den e sentido cu e hypnotherapista ta guia e persona den e estado mental aki. Pero abo semper ta den control. Si bo kier wordo hypnotisa no tin poder na mundo cu por stop bo. Si bo no ta desea di wordo hypnotisa no tin poder cu por forsa bo.
HYPNOSIS TA SAFE?
Si, absolutamente! Hypnosis uza door di un hypnotherapista certifica ta completamente safe. Hypnosis ta un manera natural pa absorbe informacion. Nos ta drenta un estado di hypnosis diferente biaha pa dia (nos ta yame pensa leu of dagdromen) henter nos bida. Abo ta den control y por termina un sesion na momento cu abo kier. Bo no por wordo hypnotisa si bo no kier y bo no por haci algo cu bo no kier ora bo ta den hypnosis
TUR HENDE POR WORDO HYPNOTISA?
Si, e realidad ta cu mas inteligente y mas creativo bo ta, mas facil bo por wordo hypnotisa. Generalmente cualkier persona cu inteligencia normal (cu tin IQ di 70 of mas sin problema mental y no ta bou di influencia di droga of alcohol) por wordo hypnotisa. Hypnosis ta un estado natural cu nos ta drenta aden varios biaha pa dia. Basicamente tur hende por wordo hypnotisa basta nan mes kier y ta comprende kico hypnosis ta.
CON BO TA SINTI ORA BO TA DEN HYPNOSIS?
Hypnosis no tin un manera specifico di sinti. Despues di un sesion mayoria hende no por distingui e diferencia entre hypnotismo y estado di “a caba di lanta for di soño.” Algun hende ta sinti relaha y cu gana di sosega, otronan ta sinti manera cabes lihe. Un cos cu e hendenan ta nota ta un cambio positivo inexplicabel den nan bida diario
MI POR KEDA PEGA DEN HYPNOSIS?
No, nunca ainda un caso asina no a sosode. Ademas, si hypnosis ta un estado di relahacion profundo, ta imposibel pa bo keda pega den relahacion. Bo por termina e sesion ora abo kier. Hypnosis ta safe, e ta relaha bo y ta un experiencia agradabel.
LO MI TA BOU CONTROL DI E HYPNOTISTA?
No, esey ta storia haci popular door di e pelicula di Hollywood pero simplemente no ta berdad. Tur hypnosis ta “self-hypnosis’ kiermen ta abo mes ta hacie. E hypnotherapista ta guia bo den un estado di relahacion mental cu ta permiti bo pa ta mas receptivo y habri pa sugerencia. Pero semper abo ta den control total di e situacion
LO MI PEGA SOÑO DURANTE DI UN SESSION DI HYPNOSIS?
No, durante di hypnosis bo no ta pega soño. Hypnosis ta mas manera bo ta sinta ta pensa hopi concentra ariba un solo cos of ta pensa leu.
HYPNOSIS LO POR TRAHA PA MI?
Generalmente, tur persona normal por wordo hipnotisa. Kiermen, hendenan cu un nivel di inteligencia cu un IQ di no menos cu 70 cu no tin ningun deficiencia mental por wordo hipnotisa. Pesey, mayoria hende por tin resultado positivo cu hypnotismo.
LO MI CORDA E DETAYES DI MI SESION?
Si, hendenan cu ta haci hypnosis ta corda tur detaye di loke nan a experiencia durante di nan sesion di hypnosis na un manera hopi bibo. Ora bo ta den hypnosis bo no ta na soño. Hypnosis ta un estado profundamente relaha caminda bo ta super enfoca y concentra ariba loke ta pasando na e momento ey.
PAKICO NO TA OFRECE UN GARANTIA DI PLACA BEK (MONEY-BACK GUARANTEE)?
Hypnosis NO TA MAGIA – e por YUDA BO logra hopi cos den bida, pero nada den bida ta garantisa pasobra cu e ta depende cuanto esfuerso ABO MES hinca aden. ABO mester acepta cierto responsabilidad pa BO accionnan y ABO tin cu haci cierto esfuerso bo mes si bo kier cambia. Ningun hende por hacie pa bo ni por pone bo haci algo cu bo mes no kier logra. Nos por yuda bo masha hopi pero nos no por hacie pa bo. Bo mes tin cu kier hacie.
CON LIHE HYPNOSIS TA TRAHA?
Hypnosis normalmente ta produci resultadonan dramatico despues di un sesion. Tin biaha e por tuma algun dia of siman pa tin un impacto maximo ariba un nivel mas profundo.
TA BERDAD CU HYPNOSIS TA UN ALTERNATIVA FACIL PA UN MIHO BIDA?
Definitivamente! Durante di nos bida nos ta piki hopi custumber, habito y miedo crea door di nos mes of cu nos a tuma over di otro hende. Cu tempo y ripiticion di e patronchinan aki den nos bida nan ta bira un parti structural di nos mente subconsciente. Mas nos ripiti e patronchinan aki mas fuerte y permanente nan ta bira y mas nan ta influencia nos bida y nos actuacion. Aunke cu mayoria di e patronchinan aki ta hopi importante door cu nan ta un mecanismo di proteccion cu ta garantisa nos sobrevivencia, algun di nan ta negativo y ta stroba nos den nos progreso. Hypnosis ta permiti nos pa comunica cu e mente subconsciente y luga di tin cu tuma hopi tempo trahando patronchi nobo, hypnosis por yuda nos cambia e patronchinan aki hopi mas lihe y mas facil.
HYPNOSIS TA ALGO PA MI?
Door cu hypnosis ta yuda hende comun soluciona problemanan comun, probablemente hypnosis por ta algo pa bo. E miho manera pa haya sa si hypnosis por beneficia bo ta door di tuma contacto cu Aruba Hypnosis Center pa hunto nos evalua si hypnosis ta un alternativa pa bo.